Events

Ўзбекистон узоқ умр кўрувчилар сони бўйича дунёда 6-ўринни эгаллади

2015-08-28

Ўзбекистонда 100 ёшдан ошган одамлар қарийб 9 минг нафарни ташкил этмоқда ва мазкур кўрсаткич билан мамлакатимиз МДҲ ва Болтиқ давлатларини ортда қолдириб, дунёда 6-ўринни банд этди.

100 ёшдан ошган инсонлар яшовчи мамлакатлар борасидаги тадқиқот “Элвисти” (Украина) ахборот маркази томонидан электрон ОАВлар томонидан тарқатилган сўнгги бир ярим йилдаги материаллар асосида ўтказилган. Унда 4,5 млн материал мониторинг қилинган.

Ўзбекистон ушбу рейтингда Япония, Хитой, АҚШ, Буюк Британия ва Италия каби давлатлардан кейинги ўринни банд этган.

Шунга қарамай, узоқ умр кўрувчиларнинг аҳоли сонига нисбати жиҳатидан мамлакатимиз кучли учликдан ўрин эгаллаган.