1982 йилнинг 7 январида Тошкентда туғилган. Теннис бўйича қизлар ўртасида "Уимблдон" турнири ва АҚЧ очиқ чемпионати ғолиби, Осиё чемпиони. Бутунжаҳон ўсмирлар ўйинларининг бронза медали совриндори. "Ўзбекистон Республикасида хизмат кўрсатган спортчи". "Шухрат" медали сохиби.
Таржимаи ҳол
Ирода саккиз ёшидан буён "Пахтакор" теннис кортида устози Владимир Капландан сабоқ, олади. Шунингдек, чет эллардаги машхур теннис академияларида ўз маҳоратини оширган.
1998 йили у жуфтлик мусобақаларида ёрқин ғалабалар қозонди: аввал Лондонда "Улкантож" туркумига кирувчи "Уимблдон" турнирининг қизлар мусобақасида ғолиб чикди, кейин Москвада Бутунжаҳон ўсмирлар ўйинларида бронза медали билан тақдирланди.
1999 йил ҳам Ироданинг ҳаётида унутилмас из қолдирди. Даставвал у Японияда қизлар ўртасида Осиё чемпиони бўлди, катталар ўртасида эса иккита халқаро турнирда ғолиб чикди. "Уимблдон" турнирининг жуфтлик мусобақасида финалгача этиб борди, қизларнинг яккалик мусобақасида эса бош совринни қўлга киритди. Шу муносабат билан Президентимиз Ислом Каримов уни қутлаб, янги зафарлар сари рухлантирди. Ирода Тўлаганова навбатдаги "Улкан тож" туркумига кирувчи АҚЧ очиқ чемпионатида яна муваффақиятга эришди. Чунингдек, мамлакатимиз терма жамоасининг федерация кубогидаги ютукларига ўзининг муносиб ҳиссасини қўшди.
Иқтидорли теннисчимиз WТА туркумига кирувчи Тошкент очиқ биринчилигида ҳам шарафли галабани қўлга киритди. Шу билан бирга қатор халқаро мусобақаларда муваффақиятли иштирок этди. Австрия ва Бельгияда ўтган WТА туркумига кирувчи мусобақаларда ғалаба қозонди. Натижада, 2001 йил 23 июль куни эълон қилинган жаҳон аёл теннисчилар таснифида 24-ўриндан жой олди.
