O’zbekistondagi "Maydanak" rasadxonasi xodimlari tomonidan kashf etilgan yangi fazoviy jism "Samarqand" deb nomlangan. Uni O’zbekiston Fanlar akademiyasining olimlari Aleksey Sergeev va Bahodir Hafizovlar 2007 yil oktyabrida kashf etganlar. Keyin ma’lumotlar Harvarddagi Kichik sayyoralar markaziga jo’natilgan. Avvaliga u erdan bunday ob’ekt kataloglarda yo’qligi haqidagi javob kelgan. Ma’lum muddat olib borilgan uzluksiz kuzatuvlar ortidan esa, sayyora Kichik planetalar xalqaro katalogiga doimiy 210271 (210271 Samarkand 2007 TU2) nomi bilan kiritilgan.